السلام عليكم , إن شاء الله تكونوا بخير دايما 🙂

موضوع مهم جدا للى فى مجالنا عموما , و موش علشان حكم او حاجه , هو رأى شخصى بناء على تجربه خلال الفتره اللى فاتت , ما بين ماك و ويندوز.

بالنسبه لاى مستخدم فى مجالنا بيهمه ان الجهاز اللى هيستخدمه يكون قوى , يعيش , يستحمل شغل , إلخ … و فى نفس الوقت يكون سعره منطقى.

فى الحقيقه الاجهزة اللى فى ويندوز بالمواصفات دى تكاد تكون منعدمه. ايون , تكاد تكون منعدمه.

Two Dell Alienware 13 Non-Touch notebook computers.

لسه فى اجهزة ؟

يمكن علشان احنا موش شايفين الا اللى قدامنا بس. الفتره الاخير , بدأت اتفرج على اجهزة اكتر و اكتر .. شغاله ويندوز , لحد ما لقيت ضالتى .. اللى ممكن تتقارن بأجهزه أبل , بل , و تكسبها و بقول كده وانا مطمن تماما , ان رأيى هيفضل صح كمان سنه او اتنين 😀

اجهزة ابل جربتها !؟

الاول , استخدمت اجهزه ابل انا ؟ يب , بدايه من macbook pro 13 ratina , macbook pro 17 , macbook pro 15 ratina , iMac 5k

الاجهزه دى بغض النظر عن ال 13 اينش , اجهزه قويه جدا فى ابل. و واحد من اجمل الاجهزة اللى اشتغلت عليه كان iMac 5k. و دا اشتغلت على الفيرجن الاول منه , و كمان الفيرجن التانى .. و يمكن شغلى على الاصدارين دول , بجهازين مختلفين تحديدا .. هو اللى خلانى ابدء اجرب .. يمكن يكون فى حاجه احسن ! يمكن ..

maxresdefault

الرام . ثم . الرام

الجهازين كان فيهم واحد احدث من التانى .. و الحديث دا ,, كان ابطئ !

ايون كان ابطئ .. بس دا لان القديم , كان الرام فيه 24 جيجا تقريبا .. على عكس الجديد اللى كان 16 جيجا بايت بس.

بس البطئ فعلا كان ملحوظ .. مجرد استخدامى للجهاز التانى و شغلى على ملفات كبيره ظهرت المشكله جلية جدا جدا جدا ..

بس موش دا بس اللى خلانى فعليا افكر فى موضوع التغيير , او انى ادى فرصه لانى استكشف اجهزة تانية .. فى الحقيقه ال Macbook pro 13 خلانى احلف .. ان الاصدار دا ميزيدش اى حاجه عن اى اصدر لاى شركه ل لابتوب اقل ما يقال عنه انه عادى جدا ..

هتقولى الجهاز دا تحديدا موش موجه للشغل الخاص بينا .. هقولك عندك حق .. بس موش لدرجه انك لو فاتح فوتوشوب , من قبل ما تعمل اى حاجه , يهنج معاك سفارى ؟؟ اتصدمت زى ما انا اتصدمت بالظبط ..

دا خلانى اؤمن ان الاداء هو عباره عن رام فى ماك بشكل عام .. و فكرنى اكتر , بإنى فى يوم من الايام وانا بستخدم Pro 17  و كنت غيرت رامات لرامات غير مناسبه “عرفت دا بعدين” و كانت 16 ! ادانى بعد اقل من اسبوع اداء سئ جدا , لدرجه انه كان فعليا اسواء من اداء ال 13 اينش الراتينا ! برغم ان الجهاز دا كان i7 و كارت الشاشه تقريبا كان 2 على ما اتذكر …

خلاص من كل اللى فوق .. خلينا مقتنعين ان فعليا اداء الجهاز عباره عن رام , زود رام فى ابل , بس يكون الاساس بتاع الجهاز ك إمكانيات مقبول , يعنى i5 و كرت شاشه كويس شويه , هتلاقى الجهاز شغال زى الفل ..

بس هل دا يخلى فى فرق بين ويندوز و ماك ؟؟ ماهو رامات ب رامات , و تاخد حرية اكبر ..

الحسبة بتختلف هنا ..

الحقيقه الموضوع هنا مختلف تماما , انت برده بتقارن اجهزه من ناحية التصميم كمان .. تصميم اجهزه ابل جميل بصراحه , بس هل هى اجمل تصميمات ؟ هل مفيش منافس ؟؟ من ناحية الجوده ؟؟

طيب تعالى نقول ان رينج جهاز ابل 20 الف , دا لو جهاز محترم , هل فى اجهزه فى الرينج دا تتقارن من ناحيه التصميم ؟؟

الاجابه ببساطه اه , و فى اجهزه بالفعل و ان كانت عباره عن نسخه من تصميم ابل فى اجزاء كتير , الا انها افضل كمان !

من ناحيتى , حبيت جهاز Razer New Blade. فى البدايه لانه كان الاقرب لأبل نظرا للتعلق الشديد بعد حوالى 4 او 5 سنين استخدام .. لكن , بعد حبه لف , لقيت انى محتاج فعليا اغير بالكامل , يعنى اخرج من النمط دا + انى معترض انى اشترى جهاز رام فيه 16 و مقدرش احدثه !

يعنى ما بلاش لاب توب اصلا !!! 16 جيجا قليله جدا سواء على ويندوز او ماك , و لو على ماك , فهى فعليا هتشغلك , لكن ممكن ابعتلك بنفسى فايل يخلى الجهاز مينطقش اصلا لفتره موش قليله 😀

دا خلانى اصرف نظر سريعا عن الجهاز دا , و بدأت افكر فى رحلة شبه المغامرات شويه , و هى Alienware !

التصميم مختلف تماما .. و جهاز استخداماته مختلفه .. بس لما قربت من الجهاز , شوفت ريفيوهات , بدأت احس ان دا ضالتى .. و بالفعل استخدمته , اول كام يوم كان شئ زى الكابوس .. ايه اللى انا عملته دا ! فين ايام ماك ! يخرب بيت قرف ويندوز .. و كتير من دا ..

ما بعد المقابلة الاولى ؟

اسبوع بالظبط .. حسيت انى كنت قافل على نفسى اوضه مفيهاش شباك حتى .. بدأت اتعامل بسهوله مع واجهة windiows 10 و اعتقد , انه لو فى تطويرات جايه على نسخ ويندوز .. هيكون ويندوز استخدامه اسهل و ابسط من ابل ! ” لو الواجهة الجديده اتعممت على كل حاجه , و حوشنا حبه الحشو اللى ملوش لزمه , هيبقى الموضوع فى ويندوز رائع جدا ” ..

و هما بالفعل حايشينك عن الواجهة او المناطق اللى بتظهر فيها الواجهة القديمه حاليا فى ويندوز . و دا بيوفرلك راحه كبيره فى التعامل.

هنا قدرت اكون وجهة نظر بشكل عام عن المقارنه بين ويندوز و ماك . و ان فعلا المقارنه ظالمه جدا جدا جدا . الا لو هتعمل المقارنه دى بين اجهزه فى نفس معدل الاسعار .. و وقتها هتتصدم بالنتائج ..

Mac-Win-Video

ايهما افضل ؟ ماك او ويندوز ؟

هنقسم كام حاجه .. و للعلم , المقارنه هنا معموله بين ابل و اجهزه فى رينج السعر الخاص باجهزتهم , و على الخصوص , هقارن ابل ب Alienware 15 R2 و الرام فيه كمان 16 لسه معملتش ابجريد للرام لليوم .. و ان شاء الله فى تحديث بعد ما اعمله ..

من ناحية تصميم الجهاز :

الموضوع شخصى جدا. و فى اراء مختلفه تماما عن رأيي حسب كل شخص, بالنسبه ليا , احسن تصميم فيهم هو Razer New Blade لانه اخد كمية الاوبشنز اللى موجوده فى alienware و خلاها فى جهاز شكل ابل , و دا شئ رائع.

فى الين وير بتختار الوان الاضاءه تحت الكى بورد , كل لون بيظهرلك انت بتحدده فى اى جزء فى الجهاز و دا لما تستعمله كتير هتحس ان الجهاز جزء منك.

من ناحية الإمكانيات :

الين وير , و بعديه ريزر , و اخيرا ابل .. للاسف هى الامكانيات كده, و عاوز هنا اضيف حاجه , الموضوع موش موضوع الرام كام و البروسيسور و كارت الشاشه وبس .. بس فى حجات انت مبتحسش بفرقها الا بعد ما تستخدم حجات مختلفه , زى مثلا كارت الصوت “للامانه الصوت من اجهزه الين وير انضف بمراحل من ماك بوك للاسف !!! و معرفش اسم الكارت ايه الحقيقه ” حاجه تانيه زى الويرلس , ابل مفيهاش تقريبا كارت ويرلس ! صدقنى فرق السما للارض ! سرعه الاستجابه و التحكم و قوه الانترنت معاك شئ يخليك تسأل هو ايه اللى كان غلط بالظبط !

من ناحية إمكانية تطوير الجهاز :

إلين وير , ابل , Razer ..

ابل ممكن تديك اوبشنز فى اجهزة زى الاى ماك انك تضيف رامات على الاقل. لكن للاسف ال new Blade مفيش تحديث رامات حتى فيه.

اما إلين وير , اعتبر نفسك بتستخدم Desktop ! الموضوع مفتوح ليك بالكامل هنا !

من ناحية نظام التشغيل :

كدبه كبيره اوى .. ان نظام تشغيل ماك اداءه افضل من ويندوز. صدقنى دا هينتهى بمجرد انك تستخدم جهاز ويندوز نضيف ! هتحس ان فعلا دى كدبه.

الموضوع ببساطه لو على الاداء . يبقى الاتنين زى بعض , لكن هنا الحكمه راحه نفسيه موش اكتر. و بالنسبه ليا على الاقل .. الظاهر من واجهة Win10 شئ محترم جدا و يشدك تستخدمه.

من ناحية الدعم و المساعده :

بلح .. دى نقطه بلح بصراحه , هتقولى ان ابل احسن خدمه عملاء ؟ محصلش .. و موش من جهاز , ولا فى مصر بس .. انا جربت مصر و السعوديه , و اقدر اقول وانا مطمن , طالاما ابل موش فاتحه فرع رسمى ليها فى بلد .. يبقى مفيش خدمه عملاء , و اخرهم يقولولك متزعلش يا فندم على الفون ! و دا هتكلم عليه فى بوست و همنشن لينك ليه هنا علشان تشوفه بنفسك.

فإنت بكل صراحه مفيش دعم ليك , او بمعنى ادق , متتكلش على حيطه مايله بزياده ..

من ناحية البرامج :

ويندوز و ماك واحد .. بالنسبه ليا ملاحظتش اى فرق , الا فروق طفيفه جدا و متأثرش على اداء برنامج , هى بتبقى زى رفاهيات و الفرق بيبقى ان فى بعض البرامج مميزات جديده بتنزل لابل قبل ويندوز , دا كل الموضوع ..

اخيرا و ليس اخرا ..

خليك برنس فى نفسك .. متاخدش بكلام حد .. و متبصش على التفاحة و تزبهل , ولا على اى لوجو تانى برده .. اختار اللى انت هترتاح و انت بتستخدمه , الموضوع بيختلف من شخص لاخر .. متاخدش بكلام الناس و بالظاهر , ادى نفسك فرصه تحكم من خلال تجربه لو متاح ليك .. هيفرق معاك كتير. انا كاتب البلوج دى و انا بستخدم الاتنين ! عادى جدا .. بس لو سألتنى عن رأيى الشخصى .. هرشح جهاز ويندوز بإمكانيات كبيره , افضل الف مره من اداء اجهزه ابل الحديثه على الاقل و من ناحيه السعر كمان المووضع محسوم فعلا , لو هدفع 20 الف فى جهاز ويندوز , هركبله اجنحه و اطير بيه 😀

حاجه اخيره , ابل على يد تيم كوك و على المستوى دا , هتتغير فكرة المستخدمين يوم بعد يوم جدا ..

 

ان شاء الله تكونوا استفدوا .. دمتم بود <3

More Readings,

Objects and environments should be designed to be usable, without modification, by as many people as possible. The principle of accessibility asserts that designs should be usable by people of diverse abilities, without special adaptation or modific...

Objects and environments that embody naturalness, simplicity, and subtle imperfection achieve a deeper, more meaningful aesthetic. Wabi-sabi is at once a world view, philosophy of life, type of aesthetic, and, by extension, principle of design. The ...

The design-thinking ideology asserts that a hands-on, user-centric approach to problem-solving can lead to innovation, and innovation can lead to differentiation and a competitive advantage. This hands-on, user-centric approach is defined by the desi...

Anthropomorphic forms are appealing when they are dissimilar or identical to humans, but unappealing when they are very similar to humans. Anthropomorphic forms are generally appealing to humans. However, when a form is very close but not identical ...

Gauging first-impression emotional responses to product and service designs This explores the affective response that different designs elicit from people based on first impressions. Using index cards with positive, neutral, and negative ad...

Weighted Decision Matrix. A weighted decision matrix is a tool used to compare alternatives with respect to multiple criteria of different levels of importance. It can be used to rank all the alternatives relative to a “fixed” reference and thus ...