السلام عليكم , إن شاء الله تكونو بخير 🙂

بدايه اختصار رأيى فى الشركات العربيه للاستضافه من افشخ شركة عربيه على وجه الكوكب لاصغر شركه. شركات بنت ستين **** .. نكمل بقى البوست 🙂

اولا .. فريق مختص للرد على ام اسألتكم 🙂

فكرت فيها دى ؟؟ انت عاقلها ؟؟ فاهم معناها قبل ما تكتبها على موقع شركتك ؟؟

الفريق المختص حاجه من اتنين , اما انهم مميزن اه , بس عباره عن ٥ ولا ٦ بيخدموا على سيرفرات العالم كله ! والنوع دا من الشركات , بتعامل العميل على حسب تقلة موش على حسب المشكله , يعنى مثلا لو عميل واخد سيرفرين من الشركه وصباع رجله الصغير تعبه , ف فى الغالب هيبعتوله واحد منهم يطبطب عليه , مع العلم انه فى نفس الوقت فى vps مخترق ولا موقع عاوز باك اب ..

و النوع التانى .. الكتره تغلب الذكاء ! دا بقى بيبقى عنده مثلا بتاع ٥٠ واحد , كلهم اغبى من بعض 🙂 و اتعامل بقى يا معلم و البس فى افشخها حيط فى الدنيا , هيترد على سؤالك “اذا كانوا بيهتموا بالوقت , بس من غير إجابه .. حرفيا , هتكره نفسك”.

و النوعين فاشلين .. مقارنه بالسبورت فى الشركات الاجنبيه “اللى الشركات العربيه دى بتقول عليهم انهم موش بيقدموا سبورت” لما تدخل تتكلم , ماكسيموم ١٠ دقايق بتبقى عرفت ايه اللى هيحصل بالظبط و الوقت و الساعه و التاريخ اللى هيردوا عليك فيه. دى معناها شركه استضافه , شركه فاهمه يعنى ايه كلمه بيانات , موش شركات فاتحه تأكل عيش 🙂 على قفا المستخدم ..

ثانيا .. دعم فنى ٢٤ ساعه على مدار الاسبوع !

فى الغالب هو يقصد هنا حاجه من اتنين .. اما انه هيشلك طول الاسبوع , و دا مفهوم الدعم الزفت عنده ! او انه بيتكلم عن مدار كوكب زحل , بس جت معاه صدفه كلمه الاسبوع ! كلمه دعم فنى , موش معناها “جارى متابعه المشكله وفحصها و الرد عليكم” .. لو دا معناها فانا من بكره هفتح شركه دعم فنى فشيخه !

شركه دعم فنى , يعنى البروسيس بالشكل دا , عندى مشكله , جارى الفحص , رد باختصار للحاله و امتى هيتصحح و ازاى و تواريخ معينه لو امكن او لو فيها موضوع نسخ احتياطية , و من ثم تم الحل !

وريح نفسك ,, موش هتلاقى دا . اولا , جرب تدخل تفتح تيكت سبورت الساعه ٣ الفجر , و ٣ الفجر بالخصوص ها 🙂 , وشوف هيترد عليك امتى , و شوف امتى مشكلتك هتتحل .. تجربة عمليه اهى , هات الشركه اللى انت شايفها فشيخه , حطها فى مختبر فيران “علشان دا قيمتها” و جرب عليها .. يوم اتنين تلاته , بس , قولى بقى .. مشكلتك اتحلت ازاى , و تعرف ايه عن المشكله او سببها , و اتحلت بعد كام ساعه “ومعلش , علشان الوقت دا فى الغالب تغيير شفتات , و فى شركات سيادتك بالنسبه ليها الاربعه وعشرين ساعه بتبدأ الساعه ٨ و بتنتهى الساعه ٤ الفجر 😀 البس يا حبيبى البس 🙂

باختصار , الدعم الفنى او الخدمه نفسها معتمده على فريق العمل , ف حاجه من اتنين , اما هتتقدملك الخدمه بشكل كويس بعد قرن من الزمن .. ودا فى الغالب موش هيحصل حتى لو الفريق من النوع الاول اللى اتكلمنا عليه من شويه , لانه على ما يوصل لمشكلتك هيحلها و يقولك تم حل المشكله وشكرا 🙂

اما انك هتاخد دعم فنى من عالم شاربه على الصبح وعاوزه اللى يديها دعم فنى اصلا !

ثالثا .. إستعاده الاموال هع هع هع 🙂

بص , باختصار هما حالتين .. اما انك موش هتاخد حاجه اصلا .. او .. ودا لو الشركه بتتقى ربنا , هتلاقيها رجعتلك جزء يحسسك انك خسرت 🙂 موش مشكله بالنسبه ليهم لانك كده كده غاير فى داهية ف ع الاقل يطلعوا من وشك بمصلحه قبل ما يشوفوا قفاك 🙂

رابعا .. باك اب يومى , اسبوعى , شهرى 😀

دى فصيلة ضحك ! بصراحه دى لوحدها ممكن اضحك عليها سنتين او تلاته بلا انقطاع 😀

بص يا سيدى , اولا الباك اب اللى بيتاخد لموقعك , هو فعلا ممكن يكون شهرى و اسبوعى ! و اوقات نادره جدا , و دى مع افشخ شركات , بيبقى يومى موثوق .. لكن تعالى اطلبه . و شوف تاريخ الباك اب اللى هيجيلك ايه 🙂

فى الغالب هيجيلك الشهرى , بس موش بتاع الشهر دا 😀 بتاع الشهر اللى فات , اللى قبله , انت وحظك .. و فى اوقات بقى .. الجماعه اللى بيتكلموا عن الحمايه من الاختراقات دول .. هتلاقى اصلا اللى دخل علم عليهم فى سيرافرات اللى جابوهم , و كمان فى سيرفرات الباك اب نفسها .. و بكده انت خسرت شغلك نهائيا 🙂 ابدء من جديد يا حبيبى و تعيش وتاخد غيرها ..

و علشان نكون منصفين .. انت ك بنى ادم بتقرأ البوست دا , جه على بالك حوالى ٤ شركات فى الغالب , من افشخ الشركات العربيه 🙂

خامسا .. مجانى , بس موش دايما ..

النوع دا كلمة كلب فلوس موش كفايه فى حقه .. و للاسف دا موش عربى بس , فى شركات كبيره اجنبيه كده , بس العرب لما بيعملوها بيبقوا بايخين فيها فشخ 🙂

الفكره انه مثلا تعالى انت هتحجز من عندى دومين او ترخيص cpanel السنه دى بقد كده “اللى هو خصم وبتاع” و المره الجايه لما تيجى تجدد و دا هتكون مجبور عليه “موش هتبقى انصح من اللى خلفوه” هتدفع الضعف “يعنى هتدفع الفتره اللى فاتت و اللى جايه” .. و بكده هو بيخدمك و بيديك حاجه بسعر منافس !

نفس المثل ينطبق على المجانى , هو دا فكرته عن المجانى , المجانى باب خلفى بس موش اكتر , لجيب حضرتك .. و الله ما هيفكر غير فى اللى فى جيبك موش اكتر 🙂

سادسا .. اجهزه قويه و خوادم من الفضاء الخارجى و وكاله ناسا عميلة عندنا !

٩٩.٩٪ من السيرفرات المقدمه من الشركات العربيه , جوجل لو عملت بيها تيست هتقولك ان السيرفر دا بيرد بطلوع روح 😀 بس احنا لحد كده مخلصناش ..

بص يا سيدى , علشان تبقى فاهم , فى داتا سنترز كبيره زى سنجل هوب و و و و و و امثله كتيره لا مجال لذكرها دلوقت .. هو لو نفترض انه عاوز يعمل حاجه شكلها حلو , فبيروح يجيب زباله الزباله من الشركات الكبيره دى , و يقولك بارتنر مع داتا سنتر فى ام المانيا .. عليا النعمه السيرفرات اللى بيتكلم فيها دى , لو جابها عندنا هنا فى المنيا لا تشتغل شغل انضف !

او انه بقى بيبقى عارف اللى فيها , و بيدور على داتا سنتر تحت بير السلم “اقصد دا حرفيا” و بياخد منها .. و الاتنين بيبقى سعرهم مميز .. و الاتنين بيطلعولك بسعر مميز “طبعا لانك لما بتشوف و تقارن اسعار السيرفرات بتقارنها بالسيرفرات الاجنبيه المحترمة”

فليه تدفع فى سيرفر مثلا الرام فيه ٤ و البروسيور موش عارف كام و الهارد ssd مثلا ١٠٠ دولر لما تقدر تجيبه من شركه عربيه ب ٥٠ دولر , و كمان بره السبورت موش مجانى , وانا عندى فى العرب السبورت مجانى ..

وهنا الشيطان وقف على قمه ايفرست وسقف !

انت بتاخد اه الامكانيات دى فعلا .. بس بجوده مزبله 🙂 يعنى انت دلوقتى عاوز تفهمنى ان واحد بياع جمله , بيبيع مثلا سلعه ما ب جنيه , و هيبيعها لبياع تجزئه ب ٢٥ قرش , علشان يكسب فيه ٢٥ قرش كمان ؟؟

طيب لو لا , و لو السعر متقارب ,, ايه اللى يخلى عندك وسيط اصلا !! ليه ؟؟ موش هتعرف تتعامل ديركت ؟؟ بالعكس هتبقى مرتاح اكتر و هتشوف خدمه فعلا تتقال عليها خدمه وناس بتشيل عنك حمل علشان تفضى انت لمهمتك الاساسية !!!!

 

اخر كلامى .. غلطه عمرك .. و هتدفع تمنها , وثوقك بأى شركه عربيه ..

البوست من مبدأ “حتى يغيروا ما بأنفسهم” ..

دمتم سالمين 🙂

More Readings,

Elements that move in the same direction are perceived to be more related than elements that move in different directions or are stationary. Perceptual organization of movement. In perception: Gestalt principles. One Gestalt principle, that of commo...

The design-thinking ideology asserts that a hands-on, user-centric approach to problem-solving can lead to innovation, and innovation can lead to differentiation and a competitive advantage. This hands-on, user-centric approach is defined by the desi...

Reporting and analyzing user queries submitted as search criteria on a site Analyzing words and phrases entered into a search provides insight into what people are looking for in order to evaluate how well content meets those needs. Site Se...

The User-centered design (UCD) process outlines the phases throughout a design and development life-cycle all while focusing on gaining a deep understanding of who will be using the product. The international standard 13407  is the basis for many U...

Exploratory research is research conducted for a problem that has not been studied more clearly, intended to establish priorities, develop operational definitions and improve the final research design. Exploratory research helps determine the best re...

The von Restorff effect, also known as the "isolation effect", predicts that when multiple homogeneous stimuli are presented, the stimulus that differs from the rest is more likely to be remembered.[1] The theory was coined by German psychiatrist and...