السلام عليكم , بإذن الله تكونوا بخير ان شاء الله 🤓 ..

مواقع كتير متخصصه فى عرض الاعمال , زي بيهانس و دريبل و غيرها من المواقع اللى بتحاول تنافس منافسه شاقة جدا عليهم بصراحه. خصوصا مع استحواذ ادوبى على بيهانس .. و مدى الدعم اللى بيتوفر من شركات عالمية عن طريق الاعلانات لموقع دريبل ..

شخصيا .. و اذا كنت بشتغل GX Art فى بعض الاوقات “لكنه لنفسى موش تجارى” .. موش بدخل بيهانس الا فى اديق الاوقات .. بل .. معنديش اكونت عليه من الاساس ..

ليه ؟

لانه موش هيفيدنى فى شئ 😏 ..

ازاى ؟

من النوع اللى بيحب التفاصيل .. مبحبش الفول يبقى محطوط فى طبق دهب و يتاكل بالشوكه و السكينه !! و دا اللى بيحصل على بيهانس للاسف .. فى اعمال حلوه فى مجال الويب و ال UX منقدرش نقول حاجه .. بس 99% من الشغل .. عباره عن لا شئ .. معموله شوكيس محترمه .. و دا بيبوظ تقييمك الفعلى لاى شغل .. و الديزينر عين .. لو شاف و فضل يشوف حوليه حجات بشكل معين .. هيبقى دا الصح بالنسبه ليه , و دا بحاول ابعد عنه طالاما انه موش صح او ان الشغل اللى هشوفه موش صح ..

دريبل التفاصيل ..

اول نقطه بعشقها فى دريبل .. انه تفاصيل ! 800ْ*600 ورينى فيهم ابداعك, اوقات كتير بيبقى ابداعك منحصر فى كومبوننت ولا اتنين ! ولا انيميشن لجزء لا يتعدى ال 300 بيكسل من بروجيكت طويل عريض! تخيل .. لما تكون مركز فى كل بيكسل فى تصميم .. هتخرج بتصميم شكله ايه ؟ لما تكون عامل حساب التناسق بين كل بيكسل , و الالوان و و و و !!! دا اللى تلقائى بيبقى جواك لما تشوف شغل على دريبل كتير .. لانه هتتعود انك بتشوف تفاصيل .. و دا هيخليك تراجع تفاصيل شغلك اكتر و اكتر .. إتعود ..

ألوانك ؟

نقطه مهمه جدا فى دريبل .. هى البحث بالالوان .. نفترض مثلا انك معاك براند فيها Orange .. و عاوز تشوف الناس قبلك استخدمت اللون دا ازاى فى شغلها .. البحث عن الالوان هيوفرلك بحر طويل عريض من الاسكرين شوتس اللى متوفر فيها اللون دا سواء بشكل ثانوى او اساسى. الجزء دا مهم جدا, لانه هيحسن طريقه انتقائك للالوان اللى بتشتغل بيها , و دا جزء مهم جدا جدا فى شغلنا بشكل عام.

الشغل .. و بس الشغل ..

فى دريبل عينك موش هتقع الا على الشغل .. موش هتقع على شوكيس , موش هتقع على اى عنصر غير عناصر ال Frame الخاص بالبروجيكت الفعلى, و دا هيخليك قادر على التركيز اكتر و اكتر , و قادر تقييم فعلا الشغل اللى قدامك بطريقه افضل بكتير جدا من اى طريقه تانيه .. و بالتعود , هتبقى دى طريقتك فى التقييم من الاساس بعد فتره.

فرص العمل ..

دريبل مميز جدا لو عاوز توصل لنوع معين من العملاء .. خلينى اكون صريح بشكل ممكن يبان عنصرى .. بس عملاء دريبل بكل صراحه تقدر تعتبرهم الصفوه بنسبه 99% من الشغل اللى بيجيلك من دريبل .. بيكون من اشخاص فاهمين كويس الشغل او بمعنى ادق .. عندهم نظره للشغل صحيحه على عكس حتى لينكد ان نفسه !

الوظائف ..

دريبل موقع مناسب جدا لو عاوز تركز فى موضوع السفر او العمل مع شركات اجنبيه .. ببساطه , 90% منهم اصلا موجودين على دريبل , و 100% منهم بيستخدموا دريبل للاعلان عن الوظائف , اللى تقدر تشوفها بشكل دورى فى جزء ال Jobs من الموقع.

الدايره المغلقه ..

دريبل دايره مغلقه مينفعش اى حد يدخلها و خلاص ! سجل و اشترك و تابع ناس زى ما انت عاوز .. بس علشان تدخل دريبل لازم يكون فى ديزينر تانى “لاعب فى دريبل” .. علشان يبعتلك انفيتيشن “على اساس انه عمل ريفيوا لشغلك و شاف انه مناسب” و وقتها بس تقدر تضيف اعمال ..

دريبل كمان فى موضوع الدعوات اللى بيقدر يبعتها كل لاعب , شغال بنظام معقد جدا .. و فى الغالب , ممكن تقعد ك لاعب فى دريبل سنه و ميوصلكش حتى دعوتين !

علشان كده دعوات دريبل بتبقى فرص ! و فرص مميزه جدا كمان فى اغلب الاوقات , و دا و إن كان بيخلى الموضوع صعب شويه انك تدخل دريبل , بس من الناحية الإجابيه .. هو بيفلتر من غير ما تعمل انت اى حاجه .. بمعنى .. ان مفيش ديزنيرز على دريبل مستواهم هتلاقيه “واقع” الا نسبه بسيطه جدا , و دا هيوفرلك بيئه فيها المنافسه قويه جدا و عاليه جدا. دا هيفيدك انت قبل اى حد تانى.

الاغلبيه دائما على خطأ ..

الموضوع ملوش علاقه بتطبيق النظريات وخلاص ! و لا خالف تعرف .. بس راجع تقييمك مره تانيه للاعمال اللى بتشوفها على اى موقع بما فيهم بيهانس , هتحس بمدى الفرق الرهيب فى اوقات كتير .. موش معنى ان موقع مشهور اكتر من التانى انك تخليه الملهم ليك ! و موش معنى انه انت هتختار دريبل ك ملهم ليك انك تحذف الموقع التانى من حياتك خالص !!

بس عامل كل اداه حوليك .. على قدها .. متديش حاجه اكبر من حجمها .. حاول لو ملكش علاقه بدريبل , تجربه الفتره الجايه , و لو ليك علاقه بيه حاول تتعمق اكتر فى اجزاء الموقع لانه فعلا مفيد جدا جدا ..

 

فى النهاية , اتمنى تكونوا استفدوا ☺

دمتم سالمين 🙏🏻

More Readings,

Objects and environments should be designed to be usable, without modification, by as many people as possible. The principle of accessibility asserts that designs should be usable by people of diverse abilities, without special adaptation or modific...

A tendency to find forms that appear humanoid or exhibit humanlike characteristics appealing. In 1915, worried that their straight-sided bottle could be easily confused with those of imitators, the Coca-Cola company set out to create a distinctive n...

A tendency to see objects and patterns as three-dimensional when certain visual cues are present. People have evolved to see things as three-dimensional whenever possible — even when things are clearly not three-dimensional. The following visu...

Card sorting is a method used to help design or evaluate the information architecture of a site. In a card sorting session, participants organize topics into categories that make sense to them and they may also help you label these groups. Used ...

Elements that move in the same direction are perceived to be more related than elements that move in different directions or are stationary. Perceptual organization of movement. In perception: Gestalt principles. One Gestalt principle, that of commo...

SIT is an innovation method that harnesses five thinking patterns that mankind has used for thousands of years. You can define Systematic Inventive Thinking (SIT) mainly as a bundle of Thinking tools, Principles and Facilitation Skills. which meant...