السلام عليكم , إن شاء الله تكونوا بخير ..

البوست النهارده عن شئ محدد جدا .. هو ترتيب و استحسان افكارك لمشروع جديد , موش بنتكلم هنا عن ان مشروع جديد , و بترتب محتواه او بتفهمه من جديد او او , لا المفروض انت عديت كل المراحل دى , فهمت المشروع كويس جدا .. و هتبدأ شغل , طبعا انت موش هتبدأ قبل ما تتبنى فكره عامه للنتيجه اللى محتاج توصلها. دا تحديدا النقطه اللى هنتكلم فيها النهارده ان شاء الله …

ابحث بس صح ..

٩٠٪ من قيمه المشروع تتلخص فى كلمه البحث. طبعا انت اول حاجه بتبحث عنها علشان تشوف افكار و منها ترتب افكارك و تخلق فكره جديده للعالم , دا بشكل عام الاستلهام مقولناش فيه حاجه ..

بس انت فى اللحظه دى اشبه بنحله ! على حسب جوده الرحيق هتكون جوده العسل ! مستوى الشغل اللى هتشوفه  , و هتحط نفسك فى مقارنه بيه و انك عاوز توصله او تعديه , هو اللى هتطلع بيه موش اكتر , و فى الغالب ممكن يبقى اقل كمان !

انك تكون منطقى , شئ جميل جدا ! بس فى النقطه دى بالخصوص , خليك حالم جدا ! قارن نفسك بمستويات اعلى منك بمراحل ! قارن نفسك بانتاج فرق عمل جبارة ! ابحث فى اعلى مواقع و متقبلش بأنك تخرج للعالم شئ اقل من الشغل دا ! هتتعب فى اول مشروع او اتنين تمشى بيهم بالشكل دا, بس فى فتره صغيره جدا هتلاقى نفسك بتطور , بتتعلم كل مشروع شئ جديد , موش واقف مكانك , مهاراتك بتتقدم جدا جدا , مستوى رد فعلك فى المشاكل اللى بتواجهك هيتغير ١٨٠ درجه.

فى البحث , خليك فنان , حالم جدا , و لو المنطق صندوق , ارميه من فوق برج خليفه !!!

إقتل الافكار الكويسة !

خلينا نتكلم بصراحه , اى مشروع انت بتشتغله , فى اجزاء انت بتبقى شايفها فاكهة المشروع , و اجزاء تانيه ” عادى جدا يعنى بتتعمل كده ” ..

نتكلم على الاتنين بقى , الاول فاكهة المشروع , وانت بتحددها , حط فى دماغك شئ واحد بس , فى فكرة كويسه , بس فى فكره اسطوريه ! حاول توصلها بكل الطرق , و مترضاش بالكويس وبس .. حتى لو حلو .. فى الاحلى و الاحلى ك فكره .. موش لازم تكون مجهده و متعبه فى تطبيقها ! ممكن تكون ابسط مما يكون , لكن فى الاخر جوده الافكار الاساسية للمشروع , او الافكار المميزه فيه , هتكون نقطه اساسية لتقييم المشروع النهائى , ركز اوى فى دى.

الاجزاء التانيه فى المشروع , موش هقولك حاول تخليها لا تتعدى ال ٣٠٪ من المشروع “لانى هفترض انك بالفعل بتعمل كده” , لكن هقولك الاهم ان حتى الاجزاء دى تكون موش مجرد عاديه ! قصاد حلين فى كل جزء هتعامله بالمبدء دا ..

اما انك تخلى فيه اختلافات ثانوية لكن تكون مؤثره فى الشكل العام. ودا سهل ! مثلا ال button ممكن اعمل عليه فى كل مشروع انيميشن مختلف و جديد تماما , و دا مثال على الحل الاول ..

الحل التانى .. انك تعمل فى فكره “كويسه” بس جديده ! هنا كلمه كويسه ممكن تقبلها !

حدد اهم اجزاء المشروع صح ..

دى حاجه مهمه جدا برده , متجيش تعمل الفكره الاسطوريه فى جزء فرعى من المشروع و انت عامل الاجزاء الاساسية بافكار زى ما قولنا كده “كويسه” ! الفكره هتظهر و هيكون ليه تقل و مكانه فى المشروع , بتقل و مكانه الجزء دا منه .. مجرد ترتيب بسيط , هيخليك عارف كويس فين الاماكن اللى المفروض يكون افكاره غير اعتيادية بالمره و يكون مؤثر فى تقييم المشروع ..

متعرفش ؟ اتعلم !

” انا معرفش هى تتطبق ازاى .. بس هتعلم ” .. الجمله اللى فاتت دى اكتر جمله بحب اسمعها من نفسى ! بحس بصراحه انى مستفيد جدا فى اللحظه دى , ان فى skill جديده هتضافلى , انى هتقدم لو خطوه بسيطه من مكانى !

خليك متفتح , انت موش اعلم واحد فى الكون .. و علشان كده , متفكرش بحدود معرفتك ! فكر بطريقه مجرده جدا من اى ضغوط او حدود , فكره و انتج فكره , موش مهم هتطبق ازاى ! انت هتتعلم ازاى تطبق ! و هتطبقها كمان و صح جدا !!

الباب الخلفى احسن بكتير ..

النقطه دى game changer بالنسبه ليا ! كل يوم فى تكونولجى جديده ! كل يوم فى plugins , و tools و الاف الافكار الجديده ! دى حاجه كويسه جدا تقدر تستغلها و بسهوله فى انك تطلع شئ جديد تماما , ببساطه ابعد عن نمطيه استخدامها المطروح بالفعل ! استخدمها بطريقه مختلفه و لهدف مختلف.

ببساطه , حاول ترمى هدفها الرئيسىي , و تشوف ايه الاهداف الفرعيه اللى ممكن تستخدمها فيها ! ممكن تطلع بأفكار رائعه فى وقت قصير جدا.

 

 

شكرا لوقتكم , ان شاء الله تكونوا استفدوا

دمتم سالمين 🙂

More Readings,

An imageboard or image board is a type of Internet forum which operates mostly via posting images. The first imageboards were created in Japan and inspired the creation of a number of English language imageboards. They are based on the textboard conc...

An interviewing technique that reveals connections between a product’s characteristics and personal values It builds on Means–End Theory, which posits that people make purchasing decisions based on consequences afforded by using the produc...

A framework for structuring field observations This can be used to guide any ethnographic or observational method, corresponding to five interrelated elements: Activities are goal-directed sets of actions or the pathways that people take towa...

Generative research is a more focused effort targeted at a deeper understanding of user needs and desires, and concept development through participatory design activities. Evaluative research combines more established methods to test emerging design ...

A tendency to find a product desirable because it has a high price. Every student of economics learns that the price and demand of commodities are inversely related, a relationship known as the law of demand. The law of demand predicts that given tw...

 The usability of a system is improved when its status and methods of use are clearly visible. The more visible functions are, the more likely users will be able to know what to do next. Incontrast, when functions are "out of sight," it makes the...