السلام عليكم , إن شاء الله تكونوا بخير ..

من فتره موش قليلة بدء يظهر و ينتشر مسمى وظيفى , اغلب ال UXRs نقلوا ليه و هو Product Designer , او مصمم منتجات.

فى العادى , و اللى اتعودنا عليه للاسف .. ان فيه كتير بيعتبر المسمى الوظيفى دا شئ جانبى , او موش عارف بيتعامل معاه ازاى و على اى اساس ! لكن اللى بيكون واضح جدا خلال ال interview مع اغلب ال UXRs مثلا , انهم اه قاريين UX , و مذاكرين كويس اوى . بس ال UX مثلا موش موضوع قراية و مذاكرة بس !

الموضوع مرتبط جدا بالخبرة , اكتر منه مذاكرة , و دا الخطأ اللى اتنقل كالعاده للمسمى الوظيفى التالى , و هو Product Designer ..

البوست , بيتكلم عن مهام ال Product Designer بشكل عام , و مهاراته المتوقعه ..

معنى Product Designer , او مصمم منتجات ؟

ابسط وصف, هو شخص قادر انه ينفذ فكره , من مجرد فكره ..

اه الوصف مقصود تماما .. هو شخص قادر تديله بس الفكره , و هو يشتغل عليها , يعمل ال documentation ليها , و ايه مميزاتها و ليه , و البراند , و تنفيذها على ارض الواقع و الدعايه ليها كمان !

كل شئ يخص الفكرة دى , و يحييها فعليا .. هو بيكون مسؤل عنه .. لكن هنا لازم نفرق بين نوعين من المسؤلية , الاولى , مسؤلية (مباشرة) فعليه او انتاجية , و التانيه , هى مسؤلية متابعة , و دى اقرب ما يكون لدور ال Project Manager.

المسؤليات المباشرة :

زى ما قولنا , دا شخص بياخد فكره .. فكره فقط , يعنى مثلا ممكن تكون كل المعلومات اللى عنده , اننا عاوزين نعمل تطبيق بحث فى الصور عبر الانترنت بإستخدام صوره . و هو عليه كل الباقى , طبعا موش لوحده , معاه فريق عمل , بس وظيفته داخلة فى كل مرحلة من مراحل الشغل , بدايه من ال documentation لحد المنتج النهائى. المسؤليات المباشرة ليه بتكون :

documentation

ال documentation ..

كل اللى معاه دلوقتى هو فكرة المنتج , كمثال “تطبيق للبحث عن الصور باستخدام صورة اخرى” .. هيبدأ لوحده , او بالتواصل مع صاحب البروجيكت او حتى مع فريق العمل بالكامل , يكون الفكره الاكبر .. الاسم , الامكانيات , الدعم “مثلا الاجهزة المدعومة” , النوع الافضل للبرمجة , ازاى هسوق للمنتج , البراند ايه الافضل ليها و الفكرة الشاملة للبراند , خطوات العمل , و التطوير وصولا للتسليم النهائى للمنتج ..

دا كله بيكون موثق تماما ,, و دى بتكون وظيفته فى المرحلة دى .. انه فعليا , يكون رسم كل حدود المنتج بمختلف مراحل تكوينه.

 

التصميم ..

كل ما يخص التصميم , شكل المنتج , شكل البراند (حتى اذا مكنش هو فعليا اللى هيصمم البراند بإيده) , ال UX الخاص بالمنتج , و مظهر المنتج , و مجسم المنتج ( لو كنا بنتكلم عن منتج فعلى مثلا زي ساعه ايد , هيصمم شكلها ).

لو بنتكلم عن الويب او تطبيق موبيل مثلا , و فى البروجيكت , من ضمن عناصره Product Designer , هيعمل ايه ؟

header_vetica_sapid_branding_branddesign

البراند :

لوجو , الوان , كونسبت كاملة .. حتى لو هو موش هينفذها فعليا , بس بيكون مسؤل عن انتاجها. وفى المرحلة دى تقدر تعتبره Creative Director. دوره هنا بيأهلة انه يتابع مثلا ال Marketing ك واحدة من مسؤلياته غير المباشرة.

ال UX/UI :

الوظيفة المعتادة لل UXr او ال UI  Designer , بس هنا فعليا مستحيل يكون حد غيره بيعمل المرحلة دى , و بإيده, الا فى حالات ديقة جدا , بيكون هو حط حجر الاساس بالكامل , و رسم الاسكتش , و مجرد ناس بتطبق مثلا UI على الشغل اللى هو عمله !

موش محتاج اوضح انه المفترض يكون Senior فى النطقه دى ..

front-end-development-best-practices

ال Front-End :

هنا الموضوع فيه خيارات حبة , ممكن بإيده و ممكن يكون متابعة و تحت نظرة و مراجعته تماما. لكن بالنسبة ليا , بفضل يكون كمان الجزء دا بإيده لانه بيخرج بإتقان رائع جدا ..

و برده موش محتاج اوضح انه المفترض يكون Senior فى النطقه دى ..

shutterstock_150443150-700x467

المسؤليات غير المباشرة “المتابعات” :

دى مرحلة معتمدة على الفهم و الخبرة .. يعنى مثلا انا product designer فى بروجيكت ويب هايبر , بيستخدم فيه nodjs و angular و Ionic , مثلا .. المفترض ان يكون عندى معرفة تخلينى اعرف افهم و اتابع مراحل المشروع التانية الخاصة مثلا بالبرمجة باستخدام الاداوات دى .. و هنا بعض المسؤليات غير المباشرة :

التطوير :

بيتابع هنا بالكامل خطوات التطوير مع فريق العمل وصولا للمنتج النهائى .. كل خطوات التطوير فعليا بيعيشها مع الفريق الخاص بالبروجيكت , و طبعا .. مفيش حد هيعرف يعمل كده , الا لو عنده “معرفه” و ممكن بسهولة المعرفه دى تتخلق من خلال عمله مع مبرمجين فى السابق على مشروعات مختلفه , فبتقابلهم مشاكل و بيتناقشوا فيها و بيتفاهموا , دا بيديه معرفه كويسه على المدى البعيد , و ممكن يكون دارس fundamentals برده للغات برمجة او فريمات ..

ال Marketing :

دى نقطه بصراحه بعتبر اى Product Designer موش عنده , تقييمه بيختلف تماما .. او لو موش عنده ابداع فيها , موش ابداع لدرجة انه يعمل الاستراتيجية بالكامل .. لكن التخصص يحترم , و اى شخص متخيل انه المكنة اللى بتطلع قماش و تلونه و تعملة قميص كمان فى وجهة نظرى “التى لا قيمة لها على الاطلاق على رأى مدحت شلبى” بعتبره بطيخ ..

بس فيه حد من الابداع و المعرفة فى المجال دا بيأهلك انك فى اى Brain Storming تكون قادر على وضع افكار و مقترحات تحترم و تغير و تعمل شئ رائع فى المجال دا ..

الموضوع محتاج معرفه , و شخصيا , بحاول اقراء اى حاجه تخص المجال دا , من وقت للتانى , و من خلال تجربة شخصية , مجال ال UX بيأهلك فى مرحلة معينه انك تقدر تتعامل مع النوع دا من المهام بشكل رائع جدا بناء على خبرتك السابقة فى انك تتعامل مع المستخدمين و احتياجاتهم ..

ال Testing :

نقطه لا خلاف عليها , لازم يكون عندك معرفه قوية بطرق ال Testing موش بس فى ال UX , لكن كمان فى مراجعات الكود نفسه اللى خارج بيه البروجيكت.

اخيرا وليس اخرا ..

مهام ال Product Designer , مطاطة بشكل ما , تقدر تحتوى على حجات كتير , او حجات قليلة , على حسب البروجيكت اللى هيشتغل عليه , بس تقدر تعتبره شخص هيحشر نفسه فى كل تفصيلة من تفاصيل المشروع .. موش بس كمان لحد ما يخرج للنور , لكن برده بكل التطويرات اللى هتتعمل عليه فى المستقبل.

يمكن دا اللى بيخلى المسمى الوظيفى مميز , و له رونق خاص بصراحة ..

نهاية اتمنى تكونوا استفدوا .. دمتم سالمين 🙂

More Readings,

A design charrette is a short, collaborative meeting during which members of a team quickly collaborate and sketch designs to explore and share a broad diversity of design ideas. Designers and non-designers—including project stakeholders, engi...

A tendency to interpret shaded or dark areas of an object as shadows resulting from a light source above the object. Humans are biased to interpret objects as being lit from a single light source from above. This bias is found across all age range...

Think-aloud (or thinking aloud) protocol (also talk-aloud protocol) is a protocol used to gather data in usability testing in product design and development, in psychology and a range of social sciences (e.g., reading, writing, translation research, ...

Objects and environments that embody naturalness, simplicity, and subtle imperfection achieve a deeper, more meaningful aesthetic. Wabi-sabi is at once a world view, philosophy of life, type of aesthetic, and, by extension, principle of design. The ...

The sketch file is fully layered and editable, you are free to use this file in whatever you want, and you have the full freedom to change, remove, edit any part of it.   Download for free! Download Sketch file #thecontent i...

A heuristic evaluation is a usability inspection method for computer software that helps to identify usability problems in the user interface (UI) design. It specifically involves evaluators examining the interface and judging its compliance with rec...