تجربة المستخدم

UXveo – فيديو بلوج عربى لل UX

   -   590

السلام عليكم , إن شاء الله تكونوا بخير دايما 🙂

الاول .. للى متابعنى خلال السنتين او التلاته اللى فاتو او ممكن نقول ال اربع سنين اللى فاتو كمان 😀 , كل محاوله اعمل فيها كورس او مجموعه دروس تعليميه لاى حاجه فى المجال كانت بتفشل فى الاخر .. لاسباب مبهمه بصراحه 😀 , يعنى مرات للسفر , مرات بسبب ان الداتا اللى اتسجلت تضيع ! مرات بسبب ان مفيش وقت تكمل. مازال عندى لحد دلوقتى حجات متسجله من الاربع سنين اللى فاتو. بس الماده العلميه اللى فيهم اقدر اعتبر ان طرحها فى الوقت الحالى هو مضيعه لوقتكم.

انا زهقت من الكورسات و مجموعات الفيديو .. ققرت اجرب بطريقه مختلفه. و ملهاش اول من اخر. الفتره الجايه ان شاء الله هبدء اعرض فيديو بلوجز , عن ال UX .. طبعا موش فيديو بلوجز كل اللى هتكلم فيه UX محض . لا فى نقط بيبقى فيها ترابط بين ال UX و ال UI , بين ال UX و ال Front-End … المهم فى الاخر , هتكون مفيده ليكم بأذن الله بشكل اكبر من ناحيه ال UX.

اذا فى اى حد عاوز يشوف فيديوبلوج عن حاجه محدده يقدر يراسلنى مفيش مشكله , و هكون سعيد بأى اقتراحات.

شكرا جدا على وقتكم , و ادعولى بالتوفيق 😀

دمتم سالمين 🙂

المناقشة و النشر