تجارب و مقالات

و النهارده .. انت تستحق النوم

   -   356

السلام عليكم , إن شاء الله تكونوا بخير دايما ..

كلنا بننجح .. بس موش كلنا بنحافظ على النجاح دا ..

لاسباب كتيرة , فى حجات من ناحيتنا .. و فى مؤثرات من كوكبنا الجميل بتوقف كل حاجه فى حياتنا ..

مشكلتنا موش هتكون فى البوست دا مع القدر , القدر يحترم بخيره و شره , و نحمد ربنا عليه ايا ما كان , قاصى , مبهج .. موش هنا المشكله ابدا.

بس الاسباب اللى بتخلينا من ناحيتنا نضيع ايام من حياتنا من غير انتاج , هى اللى ممكن نحاسب نفسنا عليها 🙂

لو نفترض انك النهارده فى اوج نجاحك .. الطريقه الوحيده للمحافظه على نجاحك , ان يفضل انتاجك و مستواه ثابت .. و يتطور مع تطور الوقت .. بمعنى ان انتاجك يكون ثابت من ناحيه الكم و من ناحيه الجوده و التطور ..

دا موش هيثبت نجاحك بس .. دا الطريق الوحيد اصلا انك تنجح من الاساس ..

الفكره الاساسية ايه ؟

الفكره الاساسيه اللى بحاول اشاركها معاكم من خلال البوست دا , بسيطه جدا .. فى الحقيقه انا موش عاوز اكتب موضوع طويل عريض علشان اكتبها اصلا , بس ك فكره فعلا احنا محتاجينها فى كل حاجه فى حياتنا ..

متنمش .. الا لما ؟؟

الموضوع بسيط اوى , متنمش الا لما تكون بتستحق فعلا النوم .. انك تستحق النوم دى بقى مرحله لازم تحط لنفسك قواعد فيها علشان توصلها , بمعنى انى مثلا موش هستحق النوم النهارده الا لما :

  • اكون اضفت لشغلى شئ جديد ..
  • حاولت اسعد أسرتى ..
  • ك عباده , مخلص فروضى على الاقل ..

دى ليست بسيطه جدا .. ممكن تكون بدايه تغيير جذرى فى حياتك .. جربها, و لو فادتك , حسيت بشئ متغير . انصح بيها غيرك 🙂

الفكره موش من عندى .. هى استخلاص من مجموعه مقولات ابرزها ستيف جوبز فى مقوله كانت فيما معناه انه افضل حاجه عنده انه ينام و هو عامل شئ رائع فى اليوم دا ..

اتمنى تكونوا استفدوا .. دمتم سالمين ☺

المناقشة و النشر