دوشة حروف

ربع قرن من الزمن .. قرب يعدى!

   -   443

بعد ربع قرن إلا سنة عايش على وجه الارض ..
اقدر اقول و بثقه ٢٤ نقطه :

  1. حياتك موش يوم حلو و يوم وحش .. حياتك يوم “مفيش اى وصف ليه” ..
  2. الدنيا موش دواير .. هى شئ معقد اكتر من كده .. بس موش لازم يتفهم ..
  3. وقت ما تتخيل انك فى دايره ولازم تتكسر .. متكسرهاش , انت هتشوها كده ..
  4. اول ما تفهم الحياة بجد .. ياريت تنهيها وقتها , مفيش طعم ليها بعد كده ..
  5. انت اجدد حاجه فى الكون .. كل حاجه موجوده من اول ما اتوجدت الحياة اصلا ..
  6. موش لازم تجرب كل حاجه .. لازم كل حاجه تجربك انت !
  7. سهل انك تدير البشر .. تخليهم مؤمنين بأى حاجه .. أدواتك قناع متقن بس ..
  8. حاول تعرف انت فعلا مؤمن بإيه .. بجد .. حتى لو شئ تافه .. انسى اى تقييم ..
  9. دور على اى حاجه فى الدنيا .. الا البشر .. دى الحاجه الوحيده اللى لازم تستناها ..
  10. العلم حلو , ملوش اخر , بس متفرحش بيه .. هتدفع تمنه كويس ..
  11. حلمك موش هو سعادتك و سعادتك موش هي حلمك .. بطل تكدب 🙂 ..
  12. الاحساس نعمه , و خسارته ” النعمه اللى اكبر من الاحساس” ..
  13. الشغل حاجه بين طرفين .. فيهم واحد شايفها “شغل من اجل المال” ..
  14. متجيش على حد .. بس لو جه حد عليك .. علمه ميجيش على حد بعدك ..
  15. النجاح بيحتاج طبله ..
  16. سيب التعليم الحكومى .. اشتغل > ادرس > اشتغل شغل انضف ..
  17. اختفى .. خليك لنفسك .. ارجع للناس , اعمل حاجه حلوه , و اختفى .. وهكذا ..
  18. القراءة حلوه فشخ ..
  19. كل البشر نفس المواصفات .. الفرق التقفيل موش اكتر .. قفل نفسك بنفسك!
  20. انت القانون , انت القاضى , انت الظالم , انت المظلوم .. فى كل حاجه ..
  21. انت كائن . الدبانه كائن .. متتفشخش على ام البشريه ..
  22. الكل موش بيتجزأ .. و لو اتجزأ يبقى لا كان ولا هيكون “كل” م الاساس ..
  23. الزمان , و المكان .. حاجتين مينفعش يكونوا شماعه اخطأ اصلا ..
  24. فكر فى شئ واحد بس كل يوم ..

المناقشة و النشر